| miss 的个人资料Life Is Like a Game Some...日志列表 |  工具  帮助 |
|
|
1月25日 ياجايبين العلم هو حق ماشاع..مات العزيز اللي له انداده خضوع25\1\2007
6\1\1428
*
*
*
رحمك الله ياسعد
واسكن روحك الجنه
الله من قلبٍ تخاطفه الاوجاع
امسٍ طواه الحزن .. واليوم مفجوع يكفخ كما طيرٍ من الوكر نزاع ثنى الحبل راعيه ثم أهلكه جوع يا جايبين العلم هو حق ما شاع مات العزيز اللي له أنداده اخضوع وين العزا .. ماعاد في العمر مرباع الجذع يابس واخضر الغصن مقطوع وسود الليالي جرحها بين الاضلاع ما يندمل في عام .. في شهر فـ اسبوع اضياع يرميني على سكة ضياع فرحي شتات ودايم الهم مجموع والله مادري كيف فزيت مرتاع يرتاع من توه غشيمٍ .. ومخدوع دنيا تزخرف لك على كل الانواع كثيرها ياصاح زايف .. ومصنوع يا مسافرٍ قبل السفر ينهض شراع وغير الكواكب مالك اصحاب وربوع تعب الرحيل وضاقت بوسعها القاع وطاح التعب في موقع خطاك مصروع رضيت باللي يطعم الحي لي جاع وانت بيدك تملك من المال ينبوع وصديت عن كل الدنايا والاطماع ماكن في دنياك مشري ومبيوع يابو فهد ماني من الموت جزاع هذا قدر .. والناس تابع ومتبوع ياشيخ هاج الحزن في صدر ملتاع واللي كتبته دمع .. لا شك مسموع يرحمك من خلا المسا نور وابداع واللي خلق هالارض لسجود وركوع فاجعه
!!
6月27日 تغلط واقولك زين ياسيدي وبعدين ... كل يوم آسف آسف واصرفها آسف وييين
<<<< تدق رقبه مع أم يمن يااااااااااااي واله ياني مبطيــــــــــــه عن السبيس عين عييييييييييييييييييييييين وعلى قولة صديقتي الذهينه Top Girl امسحي على الكيبورد واشربيه عشان تاخذين غسال اللي بالنت خخخخخخ
مدري وش فيني مالي خلق على هالسبيس يعني ودي ارد على العالم اللي مقدريني ورادين علي بس مزاجي معيي :| << مزاج تكررررررررررررررررن
المهم بعد ماشفنا وش صار علي انا وجوالي الغبي اللي خرب يوم غسلته اسكتنا وبلعناها وقلت من باب انه اللي خرب مهب صالحن من نفسه والجوال ذا دخله ماء لو تموتين مايزين قمت وشريت جوال ثاني وياسلام وناسه برضو من نوكيا الله لا يوفقهم الكلبين المهم كنت حاطته بالحقيبه وفرحانه فيه ومعاه كاس مويه انشق كاس المويه وغطست الشنطه باللي فيها وانا ألوج لي علك واقرقر يوم دخلت يدي بطلع منديل عشان احط فيه العلك << دقه بالنشر ووش القى ؟ :| بحــــــــــر ومير اكب الشنطه باللي فيها واطلع جثة جوالي واسوي له تنفس صناعي واشرحه قطعه قطعه وانا اقرا عليه المعوذات وخليته شوي يرتاح وغطيته ببطانيه يوم رجعت له واركبه وعيا يشتغل وارجع افككه كم يوم ويعيي ووديته لمحل صيانه وقال قال
قال الجوال عطاك عمره هو قالها والا ماقالها انا انهرت دخت ماصحيت الا وانا بالمشتسفى ترى هذا كله عشان فلوس الجهازز وش ذا ترى السماء لاتنطر ذهبن وشكرن (قراشيع ذات حورقة قلب)
ودي اعلمكم اني شاريه واحد جديد اللحين بس اخاف تجيني عين ماشين مليون عوووووووويذة الله من عيونكم
لالا وصرت افتح مسنجر منه خخخخ قسم بغيت ادوخ من الفرحه حسيت اني واااو واكشخ شي
2月27日 ترى النفس خضرا عليكمباللهي اللي عنده رقم راعي نوكيا ابتصل العن خامسه خامسينه
اللحين وش هالفوضى اللي عندهم؟
وش هالتلاعب
يخي ياكلون قروشنا على اجهزه خرطي
استغفر الله بس يخلون الواحد يغضب ويتلفظ
تخيلوا الحقاره وصلت فيهم الى وين
قبل يومين مسكت جوالي ابروّشه
<< تروشي انتي اول همن روشي غيرتس خخخ
وحطيته بالمغسله تحت الماء وحطيت صابون
وهالسخيف طفى
:\
خير والله لو اني شاريته من ابو ريالين
ومير افككه يوم كامل ويالله رجع واشتغل
مالت بعد يتمنن بعمره هالخايس
(قراشيع ذات امتعاظ)
<< يارب يكون مكانها صح خخخخ
فيه شي ودي اعلمكم اياه بس عجزه اكتبه اصبروا الين روقت ابضيفه بهالبلوق
ذكروني تكفون ترى الذاكره ميح
والشوف شجر << وش دخل ام هذا بذاك خخخخ
احب ابشركم ان اغراضي جت
وهم جابوها خخخخخخ 2月25日 الشتــا بالصيف اختفــى ..والغيــم ماعنده وفــاانتم هيه
ليه الناس معد يستحون
احد يجاوبني
قبل ارتكب جريمه وازعل واسكر على نفسي بغرفتي واصيح
<<< ترفقي علاهم خخخخخ
بجــد
!!
ليــه البجاحة صارت سمة من سمات الناس
صرت استغرب لما الاقي بنت ذوق ومحترمه
وأمجّد فيها
مع انه هذا اللي المفروض يكون
!!
أقرب مثال
في السوبر ماركت اذا جينا نحاسب
ليه العالم تساقط على بعض؟
ليه الهمجيه؟
ياخي كل شي بالدور يمشي
مثل ما أنت تبغى تشتري وتطلع انا مثلك
وكلنا جايين لنفس الغرض وورانا اشغال وارتباطات
ماله داعي حركات اللي يمد ساق همن الساق الثانيه
همن وبقدرة قادر تصير السله واللي شايلها قدامي
مثال ثاني
التعدي على خصوصيات الاخرين
وانتي ماسكه جوالك تجيك وحده وتلقطه تقول معليش اشوف الرسايل
بحكم اني استحي ماراح اقول لا
ولكن اكيد فيه اشياء خاصه مابيك تشوفينها؟
معقولة الشي اللي هي
شايلته فوق راسها مايقولها عيب
استحي
!!
والا تاخذ شنطتك من يدك وتقول معليش ترى
طبعي احب افتش ههه<< الضحكه عشان تصرف السالفه وتضحكين معها
وهات يافصفصه بذا الشنطه ويمكن تطلع لك شي انتي مادريتي انه موجود معك
مثال ثالث
وهذا اللي فاقع قلبي
وحارّني وقاهرني
آآآخ بس
أحد من أهلك يرسلك غرض مع أحد ثاني
ويقوم الأحد الثاني ويستخدم غرضك
ويسلفه ناس ثانيين
ينعن أوووم الجراءة والبجاحه وقلة الادب
اسبووعين واغراضي عندها قليلة الحيا ولا ارسلتهم
ويوم ارسلت السواق تصرفه
ومير اليوم اقووم والشياطين تناقز فوق راسي
واتصل والعن خامس خامسينها
ويوم خلصت اكتشفت ان اختي داقه عليها ومهاوشتها خخخ
بالاول ترددت اتصل بها لاني مستحيه
بس يوم فكرت ليه استحي وهي بجيحه وماتستحي؟؟؟؟
مشششكله اللي يستغل طيبة غيره واحترامهم
لصالحه
الله يقهرهم
<<<< مازال بقلبها هواش على الحرمه اللي ماتستحي
غديها ماتجيبه اليوم عشان اكمل خخخخخ
مثال رابع
<<== جازت لها السالفه خخخخ
تجلس جنبك وحده وتستلمك اسأله ماتنتهي
كم تصرفين بالشهر
ياحليلتس تاخذين من ابوتس قروش والا لا؟
هو يسدد فاتورتس؟
واخوانتس يجونكم لحالهم والا مع حريمهم؟
ومن هالاسئله اللي مدري وش نهايتها
طيب وعرفتي خصوصياتنا وبعدين؟
وش استفدتي؟
المصيبه ان هالطبع تعدّى الحريم الكبار
وصاروا البنت ألعن منهم
!!
معد الواحد يتكلم بطبيعته عشان ماتنلقط وتحلل من رووسهم
ويألفون فيها قصه ... والا ينسبونها لأشخاص يتوقعونها
لازم الكلمه تندرس قبل ماتطلع عشر مرات
والطبع اللي يغث أكثر من كذا
اللي تجلس جنبك وانتي تكلمين
واذا خلصتي تناقشك بمكالمتك
والا وانتي تكلمين تشاركك الحديث
من هذا المنبر أعلن أنا قراشيع بنت أم قراشيع
بأني لن أجامل البتــــــه
أبصير ابجح من هالعالم
نداري ونستحي وهم يمصّون دمنا
مالت عليهم قليلين الادب
أأأخ بس
اشعر بتحسن
خخخخ
2月23日 ولاكان بيخطر على بالي معرفش ايه اللي قرى لي يوم ماتخاصمنا ياغالي فاكر زماان سهرتني ماسألتش بيا^^
||
الحاقه اللي فوق ذي كلبوها عنوان
اسوأ ما في الحياة انك تبي تكتب وتعبي المكان
وبالاحرى تحلل قروش المكان
ولاعندك شي تحتسي عنه
*!*!*
(||)
/... \
/____\
باقي عشرتايام على يوم ميلادي
وترى ممكن استقبل هداياكم
واتمنى الاسعار ماتقل عن 1500 ريال سعودي
لان قولة (الهديه قدر) هذي اعتبرها خراط فاضي
ولا تأكل عيش
اللي بيمد يمد يده على سنع والا ينثبر خخخخ
<<< شين وقوي عين
يخي نفسي ومونى عيني اسوي حفلاااه
وأحس انه صدق يوم مفرح
مهب كلمن درى قاللي كااااااان يوم اسووود
ودي اصحى من النوم والقى البيت بلالين وتفافيخ << بزعمها يختلفن عن بعض خخخ
والقى طورطااااه كبيراااه
وناس لابسين قبعات مثلثه
ويقولون هابي بيرث دي تو يووو
وقبل اطفي الشمعات يقولون لي ميك ا ويش
واقول بيني وبين نفسي يارب اطول يارب اطول
واستقبل هدايا وحركات
ونشرب مشروبات
والحفله خليطي بنات ورعان
واصدقائي حقين التمهيدي مالين المكان << عشان ظروف الطول بس
ودي وودي ووودي
ولا فيه شي بيتحقق
(وجه يرافس ويصيح)
فلذلك ومن هذا المنبر أحب اني اوجه نداء لأصحاب القلوب الرحيمه
يرحممم امكم كزوا هدايا لو حلاو بقر
2月17日 I'll Miss The Winterادعسوووا برجلكم اليمين
 ياهلا يالله حيهم
توّ ماتبارك السبيس
وترى ماله داعي الكلافه والهدايا
واللي مره مره ملزم يلفز خمسميه
 \\
//
\\
ياعالم اللحين الجو وش ينقاله
شتاء والا صيف والا وش السالفه
 ان لبست صيفي صفقن البرد
وان لبست شتوي صبصبت عرق
شكلي ابنتقم من الجو ولا نيب لابستن شي ابد
خخخخخخخخ
احم
اخباركم
أحب اوجه تحيه لصديقيني
واقولهم الشرهه على اللي يتعرف على هالاشكال
<<< مسرع ماقلبت خخخ
وأحب أشكر أونكل بيل قتس
عشانه حط لنا حركات جديده بالسبيس
وثيمات والوان ودلع
شكرن اونكل بيل
وعساك على القوه وعقبال ماتحط لنا خاصية المصافحه عن طريق
المسنجر
عشان أسطر اللي يشبون تسبدي خخخخخخخخ
احم
عمومن ترى ماعندي هرجتن اقولها
بس حبيت اقص الشريط
واقول يالله حيهم وابدزهم
ويابخت من زار وخفف
وشرفتوا ولاكلفتوا
وشكرن
|
||||
|
|
